dil-e-hazin ko tamanna hai muskurane ki

dil-e-hazīñ ko tamannā hai muskurāne kī

ye rut ḳhushī kī hai yā riit hai zamāne kī

banā ga.iiñ use pechīda nit-na.ī sharheñ

khulī huī thī haqīqat mire fasāne kī

haram ke paas pahuñchte hī thak ke baiTh ga.e

vagarna raah to lī thī sharāb-ḳhāne kī

kisī ke sāya-e-gesū kī baat chhiḌtī hai

mire qarīb raheñ gardisheñ zamāne kī

maiñ tere ġham kā bhī thoḌā sā jā.eza le luuñ

kabhī mile mujhe fursat jo muskurāne kī

sameT leñ mah o ḳhurshīd raushnī apnī

salāhiyat hai zamīñ meñ bhī jagmagāne kī

bhalā 'imām' tahajjud guzār kyā jāneñ

ki raat kitnī hasīñ hai sharāb-ḳhāne kī

dil-e-hazin ko tamanna hai muskurane ki

ye rut KHushi ki hai ya rit hai zamane ki

bana gain use pechida nit-nai sharhen

khuli hui thi haqiqat mere fasane ki

haram ke pas pahunchte hi thak ke baiTh gae

wagarna rah to li thi sharab-KHane ki

kisi ke saya-e-gesu ki baat chhiDti hai

mere qarib rahen gardishen zamane ki

main tere gham ka bhi thoDa sa jaeza le lun

kabhi mile mujhe fursat jo muskurane ki

sameT len mah o KHurshid raushni apni

salahiyat hai zamin mein bhi jagmagane ki

bhala 'imam' tahajjud guzar kya jaanen

ki raat kitni hasin hai sharab-KHane ki