dil-e-KHana-KHarab aaega

dil-e-ḳhāna-ḳharāb aa.egā

aur ham par azaab lā.egā

mus.haf-e-ruḳh se us ko kyā matlab

shaiḳh to bas kitāb lā.egā

eid ke din to tū gale mil le

muft ajr-o-savāb pā.egā

chhoḌ kausar kī un ke lab se pī

be-hisāb-o-kitāb pā.egā

zikr jannat kā muñh se vaa.iz ke

huur se ijtināb lā.egā

hūr-o-jamhūr ai ma.āz-allāh

kyā na tum ko hijāb aa.egā

us parī ko na chheḌ ai 'naqvī'

aur dil par azaab aa.egā

dil-e-KHana-KHarab aaega

aur hum par azab laega

mushaf-e-ruKH se us ko kya matlab

shaiKH to bas kitab laega

eid ke din to tu gale mil le

muft ajr-o-sawab paega

chhoD kausar ki un ke lab se pi

be-hisab-o-kitab paega

zikr jannat ka munh se waiz ke

hur se ijtinab laega

hur-o-jamhur ai maaz-allah

kya na tum ko hijab aaega

us pari ko na chheD ai 'naqwi'

aur dil par azab aaega