dil-e-KHilqat-e-KHuda ko sanama jala na chandan

dil-e-ḳhilqat-e-ḳhudā ko sanamā jalā na chandāñ

ki falak ke paar pahuñche taf-e-āh-e-dard-mandāñ

kaheñ kyā ki dekhte haiñ tujhe ġhair saath ḳhandāñ

rahe hoñT ho chabāte ba-jigar-fashurda-dandāñ

vahīñ jhaḌ-guloñ ke tuude bañdheñ gulbanoñ ke nīche

kabhū sub.h-dam chaman meñ jo vo ġhuncha-lab ho ḳhandāñ

kaho kyā barrār-sohbat mirī us kī ho azīzāñ

dil-e-nāzuk apnā shīsha dil-e-sañg us kā sandāñ

na bachegā said un se koī āhu-e-haram tak

jo rahe shikār-afgan yahī ambarīñ-kamandāñ

kabhū rañg se hinā ke sar-e-dast-o-pā nigārīñ

na sivā-e-ḳhūn-e-āshiq kareñ ye nigār-bandāñ

na ho ġhair saath har-dam mutabassim ai parī-vash

na namak-fishāñ ho dil ke sar-e-rīsh mustamindāñ

kiye shāna riish ko yaañ abas aa.e shaiḳh jī tum

ki ye jam-e-bazm-e-rindāñ hai farīq-e-rīsh-ḳhandāñ

nahīñ faal lab pe us ke ye hai mehr ḳhāmushī kī

vahī samjhe hai ye nukta ki jo hai baḌā suḳhan-dāñ

kahīñ sarv se mushābah tere qad ko past-fitrat

ye hai gosh-zad hamāre suḳhan-e-nazar-bulandāñ

sabhī mahv-e-ḳhud-numā.ī ba-misāl-e-ā.ina haiñ

ye ḳhudā.ī se nirālā hai giroh-e-ḳhud-pasandāñ

tirī vasf kā kamar ke na bañdhā kisī se mazmūñ

rahe ḳhvāb meñ adam tak jo ka.ī ḳhayāl bandāñ

'muhib' is adā ke sadqe ki uThā.e maar Thokar

sar-e-pā-e-nāznīñ se vo sar-e-niyāz-mandāñ

dil-e-KHilqat-e-KHuda ko sanama jala na chandan

ki falak ke par pahunche taf-e-ah-e-dard-mandan

kahen kya ki dekhte hain tujhe ghair sath KHandan

rahe honT ho chabaate ba-jigar-fashurda-dandan

wahin jhaD-gulon ke tude bandhen gulbanon ke niche

kabhu subh-dam chaman mein jo wo ghuncha-lab ho KHandan

kaho kya barrar-sohbat meri us ki ho azizan

dil-e-nazuk apna shisha dil-e-sang us ka sandan

na bachega said un se koi aahu-e-haram tak

jo rahe shikar-afgan yahi ambarin-kamandan

kabhu rang se hina ke sar-e-dast-o-pa nigarin

na siwa-e-KHun-e-ashiq karen ye nigar-bandan

na ho ghair sath har-dam mutabassim ai pari-wash

na namak-fishan ho dil ke sar-e-rish mustamindan

kiye shana rish ko yan abas aae shaiKH ji tum

ki ye jam-e-bazm-e-rindan hai fariq-e-rish-KHandan

nahin fal lab pe us ke ye hai mehr KHamushi ki

wahi samjhe hai ye nukta ki jo hai baDa suKHan-dan

kahin sarw se mushabah tere qad ko past-fitrat

ye hai gosh-zad hamare suKHan-e-nazar-bulandan

sabhi mahw-e-KHud-numai ba-misal-e-aina hain

ye KHudai se nirala hai giroh-e-KHud-pasandan

teri wasf ka kamar ke na bandha kisi se mazmun

rahe KHwab mein adam tak jo kai KHayal bandan

'muhib' is ada ke sadqe ki uThae mar Thokar

sar-e-pa-e-naznin se wo sar-e-niyaz-mandan