dil-e-nadan pe shikayat ka guman kya hoga

dil-e-nādāñ pe shikāyat kā gumāñ kyā hogā

chand ashkoñ se jafāoñ kā bayāñ kyā hogā

shab ke bhaTke hue raahī ko ḳhabar de koī

sub.h-e-rañgīñ kī bahāroñ kā nishāñ kyā hogā

nāla-e-murġh-e-giraftār se be-zārī kyā

gosh-e-sayyād pe ab ye bhī garāñ kyā hogā

sach ke kahne se agar jī kā ziyāñ hotā hai

sach bahar-hāl hai sach mohr-e-dahāñ kyā hogā

chup raheñ ham to sar-e-dār pukāregā lahū

chand hī roz meñ ā.īn-e-jahāñ kyā hogā

zarre zarre pe koī phūñkegā afsūn-e-bahār

māna-e-josh-e-numū jaur-e-ḳhizāñ kyā hogā

chashm-e-nargis ko havas hai ki chaman meñ dekhe

ātish-e-gul ke bhaḌakne kā samāñ kyā hogā

ab to ham shahr-e-nigārāñ se chale aa.e haiñ

bā.is-e-vahshat-e-dil husn-e-butāñ kyā hogā

dil-e-nadan pe shikayat ka guman kya hoga

chand ashkon se jafaon ka bayan kya hoga

shab ke bhaTke hue rahi ko KHabar de koi

subh-e-rangin ki bahaaron ka nishan kya hoga

nala-e-murgh-e-giraftar se be-zari kya

gosh-e-sayyaad pe ab ye bhi garan kya hoga

sach ke kahne se agar ji ka ziyan hota hai

sach bahar-haal hai sach mohr-e-dahan kya hoga

chup rahen hum to sar-e-dar pukarega lahu

chand hi roz mein aain-e-jahan kya hoga

zarre zarre pe koi phunkega afsun-e-bahaar

mana-e-josh-e-numu jaur-e-KHizan kya hoga

chashm-e-nargis ko hawas hai ki chaman mein dekhe

aatish-e-gul ke bhaDakne ka saman kya hoga

ab to hum shahr-e-nigaran se chale aae hain

bais-e-wahshat-e-dil husn-e-butan kya hoga