dil-e-shikasta bhi tha koi raazdan bhi na tha

dil-e-shikasta bhī thā koī rāzdāñ bhī na thā

vo mehrbāñ sahī par itnā mehrbāñ bhī na thā

rivāyatoñ ke tilismāt toḌ kar ye khulā

ġham-e-zamāna koī jaur-e-āsmāñ bhī na thā

muāmalāt ġham-e-dostī salāmat-bāsh

vo e'tibār ki andesha-e-gumāñ bhī na thā

zamāna-sāz kabhī taba-e-mah-ruḳhāñ bhī na thī

ki is mizāj kā andāz-e-dil-barāñ bhī na thā

mohabbatoñ ke qarīne badal ga.e āḳhir

maiñ is ke dar pe jo pahuñchā to pāsbāñ bhī na thā

tamām shahr pe taarī hai kaisā sannāTā

sukūt-e-sub.h meñ āvāza-e-azāñ bhī na thā

dil-e-shikasta bhi tha koi raazdan bhi na tha

wo mehrban sahi par itna mehrban bhi na tha

riwayaton ke tilismat toD kar ye khula

gham-e-zamana koi jaur-e-asman bhi na tha

muamalat gham-e-dosti salamat-bash

wo e'tibar ki andesha-e-guman bhi na tha

zamana-saz kabhi taba-e-mah-ruKHan bhi na thi

ki is mizaj ka andaz-e-dil-baran bhi na tha

mohabbaton ke qarine badal gae aaKHir

main is ke dar pe jo pahuncha to pasban bhi na tha

tamam shahr pe tari hai kaisa sannaTa

sukut-e-subh mein aawaza-e-azan bhi na tha