dil-e-shikasta ko rangon se phir sajata nur

dil-e-shikasta ko rangoñ se phir sajātā nuur

tire ḳhayāl kī chilman se chhan ke aatā nuur

ye dikh rahī haiñ jo tasvīr meñ tumheñ āñkheñ

jo dekhte mirī nazroñ se to dikhātā nuur

kabhī nazar kī taraf dekhtā hai ḳhud manzar

kabhī nazar pe fidā hone ḳhud hai aatā nuur

vo merā ho ki na ho kyā ġharaz mujhe is se

havas charāġh kī tum ko mujhe hai bhātā nuur

so tang aa ke savāloñ se le liyā tirā naam

mire charāġh maiñ kis kis se ab chhupātā nuur

milā na tū mujhe jab thī dil-o-nazar kī hayāt

maiñ dil ke shīshe meñ bhar kar tujhe pilātā nuur

hazār manzar-e-ḳhush-rang sub.h laa.ī to hai

hazār ḳhvāb bhī bichhḌe haiñ az-dujā tā-nūr

dil-e-shikasta ko rangon se phir sajata nur

tere KHayal ki chilman se chhan ke aata nur

ye dikh rahi hain jo taswir mein tumhein aankhen

jo dekhte meri nazron se to dikhata nur

kabhi nazar ki taraf dekhta hai KHud manzar

kabhi nazar pe fida hone KHud hai aata nur

wo mera ho ki na ho kya gharaz mujhe is se

hawas charagh ki tum ko mujhe hai bhata nur

so tang aa ke sawalon se le liya tera nam

mere charagh main kis kis se ab chhupata nur

mila na tu mujhe jab thi dil-o-nazar ki hayat

main dil ke shishe mein bhar kar tujhe pilata nur

hazar manzar-e-KHush-rang subh lai to hai

hazar KHwab bhi bichhDe hain az-duja ta-nur