dil-e-simab-sifat phir tujhe zahmat dunga
dil-e-sīmāb-sifat phir tujhe zahmat dūñgā
dūr-uftāda zamīnoñ kī masāfat dūñgā
apne atrāf nayā shahr basā.ūñgā kabhī
aur ik shaḳhs ko phir us kī hukūmat dūñgā
ik diyā niiñd kī āġhosh meñ jaltā hai kahīñ
silsila ḳhvāb kā TuuTe to bashārat dūñgā
qissa-e-sūd-o-ziyāñ vaqf-e-mudārāt huā
phir kisī roz mulāqāt kī zahmat dūñgā
maiñ ne jo likh diyā vo ḳhud hai gavāhī apnī
jo nahīñ likkhā abhī us kī bashārat dūñgā
ek safha kahīñ tārīḳh meñ ḳhālī hai abhī
āḳhirī jañg se pahle tumheñ mohlat dūñgā
dil-e-simab-sifat phir tujhe zahmat dunga
dur-uftada zaminon ki masafat dunga
apne atraf naya shahr basaunga kabhi
aur ek shaKHs ko phir us ki hukumat dunga
ek diya nind ki aaghosh mein jalta hai kahin
silsila KHwab ka TuTe to bashaarat dunga
qissa-e-sud-o-ziyan waqf-e-mudaraat hua
phir kisi roz mulaqat ki zahmat dunga
main ne jo likh diya wo KHud hai gawahi apni
jo nahin likkha abhi us ki bashaarat dunga
ek safha kahin tariKH mein KHali hai abhi
aaKHiri jang se pahle tumhein mohlat dunga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
