dil-fasurda ye kisi ka nahin dekha jata

dil-fasurda ye kisī kā nahīñ dekhā jaatā

aañkh meñ ashk kā dariyā nahīñ dekhā jaatā

zindagī terā yaqīñ kaise karūñ maiñ āḳhir

tujh se ik shaḳhs bhī hañstā nahīñ dekhā jaatā

bevafā.ī to chalo Thiik hai lekin tere

sar tale ġhair kā shānā nahīñ dekhā jaatā

tujh pe ilzām lagā sakte haiñ lekin ham se

terā dāman kabhī mailā nahīñ dekhā jaatā

maañg baiThā vo khilaunā to maiñ dil de aayā

tifl to tifl hai rotā nahīñ dekhā jaatā

chand aise bhī masīhā haiñ mere ḳhitte meñ

jin se bīmār ko achchhā nahīñ dekhā jaatā

maiñ ġham-e-ishq se āzād huā chāhtā huuñ

ab tamannāoñ kā lāsha nahīñ dekhā jaatā

zaḳhm par zaḳhm hameñ jis ne diye ai 'sāhil'

us se ab dard hamārā nahīñ dekhā jaatā

dil-fasurda ye kisi ka nahin dekha jata

aankh mein ashk ka dariya nahin dekha jata

zindagi tera yaqin kaise karun main aaKHir

tujh se ek shaKHs bhi hansta nahin dekha jata

bewafai to chalo Thik hai lekin tere

sar tale ghair ka shana nahin dekha jata

tujh pe ilzam laga sakte hain lekin hum se

tera daman kabhi maila nahin dekha jata

mang baiTha wo khilauna to main dil de aaya

tifl to tifl hai rota nahin dekha jata

chand aise bhi masiha hain mere KHitte mein

jin se bimar ko achchha nahin dekha jata

main gham-e-ishq se aazad hua chahta hun

ab tamannaon ka lasha nahin dekha jata

zaKHm par zaKHm hamein jis ne diye ai 'sahil'

us se ab dard hamara nahin dekha jata