dil gham se tere laga gae hum

dil ġham se tire lagā ga.e ham

kis aag se ghar jalā ga.e ham

mātam-kada-e-jahāñ meñ chuuñ sham.a

ro ro ke jigar bahā ga.e ham

mānind-e-habāb is jahāñ meñ

kyā aa.e the aur kyā ga.e ham

khoyā gayā is meñ go dil apnā

par yaar tujhe to pā ga.e ham

aatā hai yahī to ham ko ronā

yuuñ maut kā ġham bhulā ga.e ham

afsāna-e-sarguzisht chuuñ sham.a

ro ro ke bahut sunā ga.e ham

thā ham meñ aur us meñ vo jo parda

so us ko 'hasan' uThā ga.e ham

dil gham se tere laga gae hum

kis aag se ghar jala gae hum

matam-kada-e-jahan mein chun shama

ro ro ke jigar baha gae hum

manind-e-habab is jahan mein

kya aae the aur kya gae hum

khoya gaya is mein go dil apna

par yar tujhe to pa gae hum

aata hai yahi to hum ko rona

yun maut ka gham bhula gae hum

afsana-e-sarguzisht chun shama

ro ro ke bahut suna gae hum

tha hum mein aur us mein wo jo parda

so us ko 'hasan' uTha gae hum