dil hai bahr-e-be-karan dil ki umang

dil hai bahr-e-be-karāñ dil kī umañg

chaar mauj chaar sū hai chaar rañg

mauj-e-avval hai juz-o-kul meñ muhīt

sar-ba-sar kibr-o-minā kā rañg-Dhañg

hai tasavvur doyamī mauj-e-ḳhayāl

farsh se tā-arsh jis kī hai tarañg

soyamī hai aql mahdūd-o-salīm

mānte haiñ jis kā lohā sab dabañg

dil kī hai mauj-e-chahārum vāhima

dam-ba-dam jis kī anokhī hai umañg

chaar dāñg-e-ālam-e-ījād meñ

chaar maujeñ haiñ baham aur ḳhāna-jañg

jaan kī tahrīk se hai sab numūd

ḳhvāh dil hai ḳhvāh hai dil kī umañg

haiñ isī tahrīk meñ āḳhir fanā

sham.a kī lau meñ fanā jaise patañg

aql kī saiqal se ho jaatā hai paak

dil ke ā.īne ko jab lagtā hai zañg

ilm meñ hai hastī-e-dil be-sabāt

jaise 'sāhir' āb-e-dariyā meñ tarañg

dil hai bahr-e-be-karan dil ki umang

chaar mauj chaar su hai chaar rang

mauj-e-awwal hai juz-o-kul mein muhit

sar-ba-sar kibr-o-mina ka rang-Dhang

hai tasawwur doyami mauj-e-KHayal

farsh se ta-arsh jis ki hai tarang

soyami hai aql mahdud-o-salim

mante hain jis ka loha sab dabang

dil ki hai mauj-e-chahaarum wahima

dam-ba-dam jis ki anokhi hai umang

chaar dang-e-alam-e-ijad mein

chaar maujen hain baham aur KHana-jang

jaan ki tahrik se hai sab numud

KHwah dil hai KHwah hai dil ki umang

hain isi tahrik mein aaKHir fana

shama ki lau mein fana jaise patang

aql ki saiqal se ho jata hai pak

dil ke aaine ko jab lagta hai zang

ilm mein hai hasti-e-dil be-sabaat

jaise 'sahir' aab-e-dariya mein tarang