dil hai KHamosh mahshar-e-arman liye hue

dil hai ḳhamosh mahshar-e-armāñ liye hue

qatre kā hai sukūn bhī tūfāñ liye hue

īmān kufr kufr hai īmāñ liye hue

nairangiyāñ haiñ gardish-e-daurāñ liye hue

hosh-e-junūñ hai jalva-e-uryāñ liye hue

dāman kā chaak tā-ba-garebāñ liye hue

dard-e-vafā pe qīmat-e-darmāñ liye hue

dil hoñ diye hue ġham-e-jānāñ liye hue

parvāna-vār jaatā huuñ phir bazm-e-nāznīn

soz-e-vafā kī sham-e-farozāñ liye hue

āzād-e-qaid-o-band hai gul-kārī-e-ḳhayāl

baiThe haiñ ham qafas meñ gulistāñ liye hue

rusvā na kar deñ tujh ko tirī be-qarāriyāñ

apne ko ik zarā dil-e-nādāñ liye hue

sar meñ junūñ kā josh hai kyūñkar uTheñ na paañv

har aable meñ ḳhār-e-muġhīlāñ liye hue

hamdam na pūchh 'vāsif'-e-ḳhasta se rāz-e-dil

ḳhāmosh kyoñ hai tab.a-e-ġhazal-ḳhvāñ liye hue

dil hai KHamosh mahshar-e-arman liye hue

qatre ka hai sukun bhi tufan liye hue

iman kufr kufr hai iman liye hue

nairangiyan hain gardish-e-dauran liye hue

hosh-e-junun hai jalwa-e-uryan liye hue

daman ka chaak ta-ba-gareban liye hue

dard-e-wafa pe qimat-e-darman liye hue

dil hon diye hue gham-e-jaanan liye hue

parwana-war jata hun phir bazm-e-naznin

soz-e-wafa ki sham-e-farozan liye hue

aazad-e-qaid-o-band hai gul-kari-e-KHayal

baiThe hain hum qafas mein gulistan liye hue

ruswa na kar den tujh ko teri be-qarariyan

apne ko ek zara dil-e-nadan liye hue

sar mein junun ka josh hai kyunkar uThen na panw

har aable mein KHar-e-mughilan liye hue

hamdam na puchh 'wasif'-e-KHasta se raaz-e-dil

KHamosh kyon hai taba-e-ghazal-KHwan liye hue