dil hai to dil mein dard-e-mohabbat kahan nahin

dil hai to dil meñ dard-e-mohabbat kahāñ nahīñ

ye rabt-e-ḳhās aur ye nisbat kahāñ nahīñ

āñkhoñ meñ jo basī hai vo sūrat kahāñ nahīñ

vo jān-e-‘ishq jān-e-mohabbat kahāñ nahīñ

ye aur baat hai ki mire lab ḳhamosh haiñ

varna zabāñ pe terī shikāyat kahāñ nahīñ

duniyā hai aur zabt-e-mohabbat kī koshisheñ

ifshā magar ye rāz-e-haqīqat kahāñ nahīñ

taslīm rāh-e-'ishq kī dushvāriyāñ magar

tum saath ho to gosha-e-rāhat kahāñ nahīñ

jām-e-sharāb sāqī-e-nauḳhez gulsitāñ

jannat agar yahī hai to jannat kahāñ nahīñ

aage haiñ mujh se bhī mirī rusvā.iyāñ 'hazīñ'

is e'tibār se mirī shohrat kahāñ nahīñ

dil hai to dil mein dard-e-mohabbat kahan nahin

ye rabt-e-KHas aur ye nisbat kahan nahin

aankhon mein jo basi hai wo surat kahan nahin

wo jaan-e-‘ishq jaan-e-mohabbat kahan nahin

ye aur baat hai ki mere lab KHamosh hain

warna zaban pe teri shikayat kahan nahin

duniya hai aur zabt-e-mohabbat ki koshishen

ifsha magar ye raaz-e-haqiqat kahan nahin

taslim rah-e-'ishq ki dushwariyan magar

tum sath ho to gosha-e-rahat kahan nahin

jam-e-sharab saqi-e-nauKHez gulsitan

jannat agar yahi hai to jannat kahan nahin

aage hain mujh se bhi meri ruswaiyan 'hazin'

is e'tibar se meri shohrat kahan nahin