dil hamara dukha diya tumne

dil hamārā dukhā diyā tum ne

ab to ārām pā liyā tum ne

fail jis kaam meñ hue aksar

Thiik is baar vo kiyā tum ne

mujh ko muddat ke baad jānoge

saath kitnā abhī diyā tum ne

is mohabbat kī aaḌ meñ aksar

ḳhuub chāk-e-jigar kiyā tum ne

tīrgī kam huī mire ghar kī

jab jalā kar rakhā diyā tum ne

zindagī aaj mujh se kahne lagī

kuchh ziyāda hī jī liyā tum ne

ashk āñkhoñ meñ rok lo 'sohil'

vaqt achchhā-bhalā jiyā tum ne

dil hamara dukha diya tum ne

ab to aaram pa liya tum ne

fail jis kaam mein hue aksar

Thik is bar wo kiya tum ne

mujh ko muddat ke baad jaanoge

sath kitna abhi diya tum ne

is mohabbat ki aaD mein aksar

KHub chaak-e-jigar kiya tum ne

tirgi kam hui mere ghar ki

jab jala kar rakha diya tum ne

zindagi aaj mujh se kahne lagi

kuchh ziyaada hi ji liya tum ne

ashk aankhon mein rok lo 'sohil'

waqt achchha-bhala jiya tum ne