dil hamara to kahin khoya nahin tha

dil hamārā to kahīñ khoyā nahīñ thā

haañ tumhāre paas bas DhūñDhā nahīñ thā

us se keval dostī chāhī thī ham ne

'ishq kar baiTheñge ye sochā nahīñ thā

us kī narmāhaT abhī tak hai laboñ par

vo mahz ik aam sā bosa nahīñ thā

ek laḌkī dil lagā.e tab se baiThī

'ishq karnā jab mujhe aatā nahīñ thā

ab kabhī milnā nahīñ hogā hamārā

ḳhat meñ aisā to kahīñ likkhā nahīñ thā

dard tanhā.ī taḌap aañsū vaġhaira

yaar tere 'ishq meñ kyā kyā nahīñ thā

āḳhirash dil chal paḌā us kī hī jānib

aur kuchh is ke sivā chāra nahīñ thā

tum yaqīñ maano tumhārā hī asar hai

varna ye patthar kabhī dhaḌkā nahīñ thā

bin tumhāre naam ham likhte bhī kaise

so ġhazal meñ jaan kar maqta' nahīñ thā

dil hamara to kahin khoya nahin tha

han tumhaare pas bas DhunDha nahin tha

us se kewal dosti chahi thi hum ne

'ishq kar baiThenge ye socha nahin tha

us ki narmahaT abhi tak hai labon par

wo mahz ek aam sa bosa nahin tha

ek laDki dil lagae tab se baiThi

'ishq karna jab mujhe aata nahin tha

ab kabhi milna nahin hoga hamara

KHat mein aisa to kahin likkha nahin tha

dard tanhai taDap aansu waghaira

yar tere 'ishq mein kya kya nahin tha

aaKHirash dil chal paDa us ki hi jaanib

aur kuchh is ke siwa chaara nahin tha

tum yaqin mano tumhaara hi asar hai

warna ye patthar kabhi dhaDka nahin tha

bin tumhaare nam hum likhte bhi kaise

so ghazal mein jaan kar maqta' nahin tha