dil hamein chaak-gareban nahin hone deta

dil hameñ chāk-garebāñ nahīñ hone detā

aur junūñ tañgī-e-dāmāñ nahīñ hone detā

ek saayā hai jo mujh meñ kahīñ poshīda hai

ek sūraj hai ki tābāñ nahīñ hone detā

ek jaalā hai jo dānā.ī ne bun rakhā hai

maiñ jo chāhūñ bhī to nādāñ nahīñ hone detā

thaam letā hai koī dāman-e-imkān-e-sarāb

kyoñ hameñ sarf-e-nigārāñ nahīñ hone detā

mar hī jā.eñge pashemāñ jo hue ishq meñ ham

bas yahī ḳhauf pashemāñ nahīñ hone detā

bas vahī ḳhvāb ki jo diid kī hasrat meñ miTā

aañkh ko ḳhāna-e-vīrāñ nahīñ hone detā

koī is anjuman-ārā.ī se nālāñ hai ki jo

bas yahāñ jashn-e-bahārāñ nahīñ hone detā

dil hamein chaak-gareban nahin hone deta

aur junun tangi-e-daman nahin hone deta

ek saya hai jo mujh mein kahin poshida hai

ek suraj hai ki taban nahin hone deta

ek jala hai jo danai ne bun rakha hai

main jo chahun bhi to nadan nahin hone deta

tham leta hai koi daman-e-imkan-e-sarab

kyon hamein sarf-e-nigaran nahin hone deta

mar hi jaenge pasheman jo hue ishq mein hum

bas yahi KHauf pasheman nahin hone deta

bas wahi KHwab ki jo did ki hasrat mein miTa

aankh ko KHana-e-viran nahin hone deta

koi is anjuman-arai se nalan hai ki jo

bas yahan jashn-e-bahaaran nahin hone deta