dil har ghaDi kahta hai yun jis taur se ab ho sake

dil har ghaḌī kahtā hai yuuñ jis taur se ab ho sake

uTh aur sambhal ghar se nikal aur paas us chanchal ke chal

dekhī jo us mahbūb kī ham ne jhalak hai kal kī kal

paa.ī har ik ta.avīz meñ apne dil-e-bekal kī kal

jab naaz se hañs kar kahā us ne are chal kyā hai tū

kyā kyā pasand aa.ī haiñ us nāznīñ chanchal kī chal

hai vo kaf-e-pā narm-tar us kī ki vaqt-e-ham-sarī

Daale kaf-e-pā-e-sanam narmī vahīñ maḳhmal kī mal

ham haiñ tumhāre mubtalā muddat se hai ye aarzū

baiTho hamāre paas bhī ai jaañ kabhī ik pal kī pal

hai dam ġhanīmat ai 'nazīr' ab mai-kade meñ baiTh kar

tū aaj to mai pī miyāñ phir dekh liijo kal kī kal

dil har ghaDi kahta hai yun jis taur se ab ho sake

uTh aur sambhal ghar se nikal aur pas us chanchal ke chal

dekhi jo us mahbub ki hum ne jhalak hai kal ki kal

pai har ek tawiz mein apne dil-e-bekal ki kal

jab naz se hans kar kaha us ne are chal kya hai tu

kya kya pasand aai hain us naznin chanchal ki chal

hai wo kaf-e-pa narm-tar us ki ki waqt-e-ham-sari

Dale kaf-e-pa-e-sanam narmi wahin maKHmal ki mal

hum hain tumhaare mubtala muddat se hai ye aarzu

baiTho hamare pas bhi ai jaan kabhi ek pal ki pal

hai dam ghanimat ai 'nazir' ab mai-kade mein baiTh kar

tu aaj to mai pi miyan phir dekh lijo kal ki kal