dil ho charagh ho ki sitara koi to ho

dil ho charāġh ho ki sitāra koī to ho

qā.em-maqām yā'nī tumhārā koī to ho

kab shor sā uThegā kab uTTheñgī uñgliyāñ

ham haiñ bhī aur nahīñ bhī ishāra koī to ho

ik surma.ī uchhāl ho aisī ki jaise shaam

din Dūbtā hai din kā sahārā koī to ho

terī taraf se koī rukāvaT nahīñ magar

terī tarah se yaad dobāra koī to ho

do āñsuoñ meñ ek to māneñ ki hai jo hai

do pāniyoñ meñ paanī gavāra koī to ho

Thokar hī jhūT-mūT kī khā.ūñ Thahar to jā.ūñ

ab is gumāñ-guzar kā kināra koī to ho

dil aise ek dil kī binā aur bhī rakkheñ

yā'nī hamāre baa'd hamārā koī to ho

dil ho charagh ho ki sitara koi to ho

qaem-maqam ya'ni tumhaara koi to ho

kab shor sa uThega kab uTThengi ungliyan

hum hain bhi aur nahin bhi ishaara koi to ho

ek surmai uchhaal ho aisi ki jaise sham

din Dubta hai din ka sahaara koi to ho

teri taraf se koi rukawaT nahin magar

teri tarah se yaad dobara koi to ho

do aansuon mein ek to manen ki hai jo hai

do paniyon mein pani gawara koi to ho

Thokar hi jhuT-muT ki khaun Thahar to jaun

ab is guman-guzar ka kinara koi to ho

dil aise ek dil ki bina aur bhi rakkhen

ya'ni hamare ba'd hamara koi to ho