dil ishq ki mai se chhalak raha hai

dil ishq kī mai se chhalak rahā hai

ik phuul hai jo mahak rahā hai

āñkheñ kab kī baras chukī haiñ

kauñdā ab tak lapak rahā hai

ab aa.e bahār yā na aa.e

āñkhoñ se lahū Tapak rahā hai

hai duur bahut zamān-e-va.ada

aur dil abhī se dhaḌak rahā hai

kis ne vahshī 'asar' ko chheḌā

dīvār se sar paTak rahā hai

dil ishq ki mai se chhalak raha hai

ek phul hai jo mahak raha hai

aankhen kab ki baras chuki hain

kaunda ab tak lapak raha hai

ab aae bahaar ya na aae

aankhon se lahu Tapak raha hai

hai dur bahut zaman-e-wada

aur dil abhi se dhaDak raha hai

kis ne wahshi 'asar' ko chheDa

diwar se sar paTak raha hai