dil jis ka aaine ki tarah pak-saf hai

dil jis kā aa.ine kī tarah pāk-sāf hai

kyā baat hai zamāna usī ke ḳhilāf hai

vo shaḳhs kar rahā hai mohabbat kā qatl-e-ām

nafrat kā jis kī fikr pe har dam ġhilāf hai

sajda namāz-e-shauq kā kartī haiñ titliyāñ

dāman har ek gul kā bahut pāk-sāf hai

ham ne ḳhudā banā diyā jis ko tarāsh kar

vo sang-e-rāh aaj hamāre ḳhilāf hai

duniyā samajh rahī hai mujhe sāhib-e-zabāñ

merā bhī par durust kahāñ shiin qaaf hai

tū ho rahā hai lazzat-e-duniyā se shād-kām

'sābir' batā ye kaisā tirā etakāf hai

dil jis ka aaine ki tarah pak-saf hai

kya baat hai zamana usi ke KHilaf hai

wo shaKHs kar raha hai mohabbat ka qatl-e-am

nafrat ka jis ki fikr pe har dam ghilaf hai

sajda namaz-e-shauq ka karti hain titliyan

daman har ek gul ka bahut pak-saf hai

hum ne KHuda bana diya jis ko tarash kar

wo sang-e-rah aaj hamare KHilaf hai

duniya samajh rahi hai mujhe sahib-e-zaban

mera bhi par durust kahan shin qaf hai

tu ho raha hai lazzat-e-duniya se shad-kaam

'sabir' bata ye kaisa tera etakaf hai