dil jis waqt akela hoga

dil jis vaqt akelā hogā

terī yaad meñ Duubā hogā

pahle-pahal ye kab sochā thā

tū mujhe itnā pyārā hogā

har-sū ḳhvāb-nagar meñ ik din

terī yaad kā pahra hogā

chāñdnī raat meñ chupke chupke

koī jhiil meñ utrā hogā

yādoñ ke sahrā meñ kal phir

bādal TuuT ke barsā hogā

dil kā kyā hai dil dīvāna

tere dhyān meñ khoyā hogā

darvāze par dastak sun kar

merā soch ke dauḌā hogā

maiñ bhī raat ko so nahīñ paa.ī

sakhiyo vo bhī jaagā hogā

apne dil kā har ik jazba

ḳhat meñ us ne likkhā hogā

soch rahī huuñ kin āñkhoñ meñ

mustaqbil kā sapnā hogā

us par hogā terā jaadū

jis ne tujh ko dekhā hogā

aaj 'sadaf' maiñ behad ḳhush huuñ

aaj us se phir milnā hogā

dil jis waqt akela hoga

teri yaad mein Duba hoga

pahle-pahal ye kab socha tha

tu mujhe itna pyara hoga

har-su KHwab-nagar mein ek din

teri yaad ka pahra hoga

chandni raat mein chupke chupke

koi jhil mein utra hoga

yaadon ke sahra mein kal phir

baadal TuT ke barsa hoga

dil ka kya hai dil diwana

tere dhyan mein khoya hoga

darwaze par dastak sun kar

mera soch ke dauDa hoga

main bhi raat ko so nahin pai

sakhiyo wo bhi jaga hoga

apne dil ka har ek jazba

KHat mein us ne likkha hoga

soch rahi hun kin aankhon mein

mustaqbil ka sapna hoga

us par hoga tera jadu

jis ne tujh ko dekha hoga

aaj 'sadaf' main behad KHush hun

aaj us se phir milna hoga