دل کا آنا ہوا جانا دل کا

دل کا آنا ہوا جانا دل کا

بن گیا دل ہی نشانہ دل کا

دل لگی دل کی لگی بنتی گئی

بن گیا روگ لگانا دل کا

دل کی محفل تھی فسانے دل کے

کیا زمانہ تھا زمانہ دل کا

دیکھتے رہ گئے ہونٹوں کی ہنسی

آپ نے درد نہ جانا دل کا

عقل تو روکتی رہتی ہے مگر

چل ہی جاتا ہے نشانہ دل کا

دل تڑپ اٹھتا ہے ان باتوں سے

ذکر بھی لب پہ نہ لانا دل کا

مہربانی ہے ترے جلوؤں کی

سج گیا آئنہ خانہ دل کا

سننے والوں کو تو لگتا ہے پیامؔ

تیرا ہر شعر فسانہ دل کا