dil ka gila falak ki shikayat yahan nahin

Shefta Mustafa Khan

dil ka gila falak ki shikayat yahan nahin

Shefta Mustafa Khan

MORE BYShefta Mustafa Khan

    dil gila falak shikāyat yahāñ nahīñ

    vo mehrbāñ nahīñ to koī mehrbāñ nahīñ

    ham aaj tak chhupāte haiñ yāroñ se rāz-e-ishq

    hālāñki dushmanoñ se ye qissa nihāñ nahīñ

    zebā nahīñ hai dost se karnā mo.āmla

    kuchh varna naaz jaan ke badle girāñ nahīñ

    ham zumra-e-raqīb meñ mil kar vahāñ ga.e

    jab shauq rahnumā ho koī pāsbāñ nahīñ

    āshufta misl-e-bād huuñ betāb misl-e-barq

    kyūñkar muīn-e-charḳh tirī shoḳhiyāñ nahīñ

    ham aap par nisār kareñ kā.enāt ko

    par kyā kareñ bisāt meñ juz nīm-jāñ nahīñ

    sāmān-e-vajd fitna-e-mahshar ko de diyā

    vo ḳhaak par hamārī jo dāman-kashāñ nahīñ

    kyuuñ haiñ nadīm-e-dost sifārish meñ ġhair

    kyā ham ko un se rasm-o-rah-e-armuġhāñ nahīñ

    ik hāl-e-ḳhush meñ bhuul ga.e kā.enāt ko

    ab ham vahāñ haiñ mutrib o saaqī jahāñ nahīñ

    kis kis pe rashk kījiye kis kis ko roiye

    kis din vo jalva āfat-e-sad-ḳhānumāñ nahīñ

    kyuuñ ye hujūm-e-shor-o-shaġhab hai nushūr meñ

    aisā to 'sheftā' hameñ ḳhvāb-e-girāñ nahīñ

    dil ka gila falak ki shikayat yahan nahin

    wo mehrban nahin to koi mehrban nahin

    hum aaj tak chhupate hain yaron se raaz-e-ishq

    haalanki dushmanon se ye qissa nihan nahin

    zeba nahin hai dost se karna moamla

    kuchh warna naz jaan ke badle giran nahin

    hum zumra-e-raqib mein mil kar wahan gae

    jab shauq rahnuma ho koi pasban nahin

    aashufta misl-e-baad hun betab misl-e-barq

    kyunkar muin-e-charKH teri shoKHiyan nahin

    hum aap par nisar karen kaenat ko

    par kya karen bisat mein juz nim-jaan nahin

    saman-e-wajd fitna-e-mahshar ko de diya

    wo KHak par hamari jo daman-kashan nahin

    kyun hain nadim-e-dost sifarish mein ghair ki

    kya hum ko un se rasm-o-rah-e-armughan nahin

    ek haal-e-KHush mein bhul gae kaenat ko

    ab hum wahan hain mutrib o saqi jahan nahin

    kis kis pe rashk kijiye kis kis ko roiye

    kis din wo jalwa aafat-e-sad-KHanuman nahin

    kyun ye hujum-e-shor-o-shaghab hai nushur mein

    aisa to 'shefta' hamein KHwab-e-giran nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY