dil ka har saz chhiDa saz baje hain dil mein

dil kā har saaz chhiḌā saaz baje haiñ dil meñ

tū jo aayā to ka.ī phuul khile haiñ dil meñ

ye bhī mumkin thā ki bach jaatā ta.alluq lekin

ham ko mālūm nahīñ thā ki gile haiñ dil meñ

raushnī ḳhud hī tujhe merā pata de degī

kyūñki yādoñ ke ka.ī diip jale haiñ dil meñ

ye jo sannāTā mirī ruuh meñ utrā thā kabhī

us ne afsāne na.e dekh bune haiñ dil meñ

ek hī shaḳhs thā duniyā meñ mohabbat ke liye

baaqī to bhartī ke ahbāb rakhe haiñ dil meñ

ham se iz.hār kī jur.at na huī thī varna

tujh ko batlāte ki kyā ḳhvāb saje haiñ dil meñ

rū-ba-rū ashk-e-nadāmat to bahe vo 'fahmī'

jis ke tūfān ka.ī saal rahe haiñ dil meñ

dil ka har saz chhiDa saz baje hain dil mein

tu jo aaya to kai phul khile hain dil mein

ye bhi mumkin tha ki bach jata talluq lekin

hum ko malum nahin tha ki gile hain dil mein

raushni KHud hi tujhe mera pata de degi

kyunki yaadon ke kai dip jale hain dil mein

ye jo sannaTa meri ruh mein utra tha kabhi

us ne afsane nae dekh bune hain dil mein

ek hi shaKHs tha duniya mein mohabbat ke liye

baqi to bharti ke ahbab rakhe hain dil mein

hum se izhaar ki jurat na hui thi warna

tujh ko batlate ki kya KHwab saje hain dil mein

ru-ba-ru ashk-e-nadamat to bahe wo 'fahmi'

jis ke tufan kai sal rahe hain dil mein