دل کا یوں سامان راحت ڈھونڈھنا
دل کا یوں سامان راحت ڈھونڈھنا
حسن کا آغوش خلوت ڈھونڈھنا
نیم وا مخمور آنکھوں میں مرا
مے کدہ کا باب عشرت ڈھونڈھنا
زندگی کی معرکہ آرائیاں
اور میرا کنج عزلت ڈھونڈھنا
قہقری رجعت ہے اپنے ذہن کی
حال میں ماضی کی عظمت ڈھونڈھنا
ہے مہم میری بھی یہ ظلمات کی
ان سیہ آنکھوں میں امرت ڈھونڈھنا
کیا نہیں موہوم اشیاء کی تلاش
زیست میں لمحات فرصت ڈھونڈھنا
مجرمانہ ذہن اور نظروں کے ساتھ
سب کا یاں معصوم صورت ڈھونڈھنا
تیرے سینے میں تلاش آگہی
برف کے تودوں میں حدت ڈھونڈھنا
اس جہاں کی پستیوں سے اوب کر
دار پر منصورؔ رفعت ڈھونڈنا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
