dil ke arman dil hi dil mein rah gae
dil ke arman dil hi dil mein rah gae
Sultanul Haq Shaheedii Kaashmiri
MORE BYSultanul Haq Shaheedii Kaashmiri
dil ke armāñ dil hī dil meñ rah ga.e
aah jaate jaate ye sab kah ga.e
umr bhar puujā kiye ḳhvāboñ ke but
jab haqīqat khul ga.ī sab Dheh ga.e
bahr-e-hastī kī kashākash meñ nadīm
chand tinkoñ kī tarah the bah ga.e
ho ga.e barbād dard-e-dil ke haath
haa.e kyā auroñ ke ġham bhī sah ga.e
dosto ab ke hameñ rakhnā muaaf
be-ḳhudī meñ jaane kyā kyā kah ga.e
dil ke arman dil hi dil mein rah gae
aah jate jate ye sab kah gae
umr bhar puja kiye KHwabon ke but
jab haqiqat khul gai sab Dheh gae
bahr-e-hasti ki kashakash mein nadim
chand tinkon ki tarah the bah gae
ho gae barbaad dard-e-dil ke hath
hae kya auron ke gham bhi sah gae
dosto ab ke hamein rakhna muaf
be-KHudi mein jaane kya kya kah gae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
