دل کے در پر کسی دستک کی سدا آنے سے

دل کے در پر کسی دستک کی سدا آنے سے

میں بھی کچھ دیر نکل آیا ہوں تہہ خانے سے

میری بستی پہ مسلط ہوئی تب خاموشی

جب کوئی شور اٹھا تھا مرے ویرانے سے

مجھے غیروں میں بھی اپنوں سے ملے ہیں کچھ لوگ

میرے اپنوں میں بھی کچھ لوگ ہیں بیگانے سے

کسی انجان اجالے میں انہیں جب دیکھا

میرے پہچانے بدن بھی لگے انجانے سے

چاہ کر بھی کبھی پاؤ گے نہ ایسا کوئی

جو بھی چاہا ہے وہ مل جائے جسے پانے سے

بات یہ سن کے بڑی خوش ہے مری بے چینی

روح مرتی نہیں ہے جسم کے مر جانے سے

کچھ بھی ملنا نہیں ہے اور مجھے الجھا کر

نہ ہی ملنا ہے تمہیں کچھ مجھے سلجھانے سے