دل کے گھاؤ بھی کام آئیں مجھے
دیکھ کر لوگ مسکرائیں مجھے
وہ ہی دنیا وہی پرانا پن
یا خدا کچھ نیا دکھائیں مجھے
لوٹ آؤں گا سب بھلا دوں گا
سرسری سا اگر بلائیں مجھے
با وضو بزم یار میں جاؤں
آیت وصل گر سنائیں مجھے
بڑی مشکل سے آ کے بیٹھا ہوں
درد اٹھتے ہیں مت اٹھائیں مجھے
آنکھ رونے کا مانگتی ہے خراج
اب وہ آ کر گلے لگائیں مجھے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
