dil ke kahne pe main chala hi nahin

dil ke kahne pe maiñ chalā hī nahīñ

ishq kī chaal meñ phañsā hī nahīñ

is girānī meñ ishq ko TaTolā

laakh piiTā magar chalā hī nahīñ

jis tarah maiñ luTā javānī meñ

yuuñ koī aaj tak luTā hī nahīñ

aaj saarī akaḌ nikal jaatī

koī ġhunda hameñ milā hī nahīñ

kal jo kahte the ġhair ko andhā

aaj ḳhud un ko sūjhtā hī nahīñ

in adāoñ pe mar ga.e lākhoñ

un ke nazdīk kuchh huā hī nahīñ

dil ke kahne pe main chala hi nahin

ishq ki chaal mein phansa hi nahin

is girani mein ishq ko TaTola

lakh piTa magar chala hi nahin

jis tarah main luTa jawani mein

yun koi aaj tak luTa hi nahin

aaj sari akaD nikal jati

koi ghunda hamein mila hi nahin

kal jo kahte the ghair ko andha

aaj KHud un ko sujhta hi nahin

in adaon pe mar gae lakhon

un ke nazdik kuchh hua hi nahin