dil ke KHane mein paDi hain teri yaaden tah-ba-tah

dil ke ḳhāne meñ paḌī haiñ terī yādeñ tah-ba-tah

vaqt kī banjar zamīñ par haiñ ye qabreñ tah-ba-tah

maut manzil hai so maiñ raste meñ paḌhne ke liye

rakh rahā huuñ zindagī kī kuchh kitābeñ tah-ba-tah

is tarah tartīb se rakhnā mujhe mere rafīq

jis tarah rakkhī haiñ rab ne ye zamīneñ tah-ba-tah

jin meñ phañs kar phaḌphaḌātā hī rahūñ maiñ raat bhar

ek jaale kī tarah hai terī socheñ tah-ba-tah

is liye manzar mujhe ab dikh rahe haiñ kuchh ke kuchh

mere chehre par lagī haiñ kor āñkheñ tah-ba-tah

chīda chīda hai ġhazal ke dasht meñ bāteñ mirī

qaid nazmoñ kī tarah haiñ terī bāteñ tah-ba-tah

ab mujhe DhūñDegā hākim shahr kā 'yāsir-gumān'

maiñ chhupā.e phir rahā huuñ saarī ḳhabreñ tah-ba-tah

dil ke KHane mein paDi hain teri yaaden tah-ba-tah

waqt ki banjar zamin par hain ye qabren tah-ba-tah

maut manzil hai so main raste mein paDhne ke liye

rakh raha hun zindagi ki kuchh kitaben tah-ba-tah

is tarah tartib se rakhna mujhe mere rafiq

jis tarah rakkhi hain rab ne ye zaminen tah-ba-tah

jin mein phans kar phaDphaData hi rahun main raat bhar

ek jale ki tarah hai teri sochen tah-ba-tah

is liye manzar mujhe ab dikh rahe hain kuchh ke kuchh

mere chehre par lagi hain kor aankhen tah-ba-tah

chida chida hai ghazal ke dasht mein baaten meri

qaid nazmon ki tarah hain teri baaten tah-ba-tah

ab mujhe DhunDega hakim shahr ka 'yasir-guman'

main chhupae phir raha hun sari KHabren tah-ba-tah