dil ke mausam ko kisi taur suhana kar de

dil ke mausam ko kisī taur suhānā kar de

zindagī karne kā koī to bahānā kar de

ham ko ye shahr-e-havas kaaT rahā hai kab se

ham faqīroñ kā kahīñ aur Thikānā kar de

māñgne chal to diye us se dil apnā vāpas

vo magar phir na koī taaza bahānā kar de

ahd-e-nau raas kab aayā hameñ bhī yārab

is na.e vaqt ko pahle sā purānā kar de

jo fasānoñ ko haqīqat meñ badal detā hai

ye bhī mumkin hai haqīqat ko fasāna kar de

fikr ko merī vo tāsīr atā kar yārab

mere sheroñ ko jo maqbūl-e-zamāna kar de

zindagī apnī to guzrī hai havādis meñ 'nigār'

mere bachchoñ ke muqaddar ko suhānā kar de

dil ke mausam ko kisi taur suhana kar de

zindagi karne ka koi to bahana kar de

hum ko ye shahr-e-hawas kaT raha hai kab se

hum faqiron ka kahin aur Thikana kar de

mangne chal to diye us se dil apna wapas

wo magar phir na koi taza bahana kar de

ahd-e-nau ras kab aaya hamein bhi yarab

is nae waqt ko pahle sa purana kar de

jo fasanon ko haqiqat mein badal deta hai

ye bhi mumkin hai haqiqat ko fasana kar de

fikr ko meri wo tasir ata kar yarab

mere sheron ko jo maqbul-e-zamana kar de

zindagi apni to guzri hai hawadis mein 'nigar'

mere bachchon ke muqaddar ko suhana kar de