dil ke parde pe chehre ubharte rahe muskuraate rahe aur hum so gae

dil ke parde pe chehre ubharte rahe muskurāte rahe aur ham so ga.e

tirī yādoñ ke jhoñke guzarte rahe thapthapāte rahe aur ham so ga.e

yaad aatā rahā kūcha-e-raftagāñ sar pe sāya-fagan hijr kā āsmāñ

nā-rasā.ī ke sadme nikharte rahe dil jalāte rahe aur ham so ga.e

hijr ke ratjagoñ kā asar yuuñ huā vasl-e-jānāñ kā lamha basar yuuñ huā

dosh par us ke gesū bikharte rahe gudgudāte rahe aur ham so ga.e

kaise tajdīd-e-ahd-e-vafā kījiye ġham maza de rahe haiñ so kyā kījiye

dar pe aa kar vo aksar Thaharte rahe khaTkāte rahe aur ham so ga.e

avval avval to har shab qayāmat huī rafta rafta hameñ aisī aadat huī

ghar ke āñgan meñ ġham raqs karte rahe ġhul machāte rahe aur ham so ga.e

dil ke parde pe chehre ubharte rahe muskuraate rahe aur hum so gae

teri yaadon ke jhonke guzarte rahe thapthapate rahe aur hum so gae

yaad aata raha kucha-e-raftagan sar pe saya-fagan hijr ka aasman

na-rasai ke sadme nikharte rahe dil jalate rahe aur hum so gae

hijr ke ratjagon ka asar yun hua wasl-e-jaanan ka lamha basar yun hua

dosh par us ke gesu bikharte rahe gudgudate rahe aur hum so gae

kaise tajdid-e-ahd-e-wafa kijiye gham maza de rahe hain so kya kijiye

dar pe aa kar wo aksar Thaharte rahe khaTkate rahe aur hum so gae

awwal awwal to har shab qayamat hui rafta rafta hamein aisi aadat hui

ghar ke aangan mein gham raqs karte rahe ghul machate rahe aur hum so gae