dil ke rahne ke liye shahr-e-KHayalat nahin

dil ke rahne ke liye shahr-e-ḳhayālāt nahīñ

sar-ba-sar hai nafī is meñ kahīñ isbāt nahīñ

rañj gar vaañ se to rāhat bhī vahīñ se aave

kaun kahtā hai yahāñ vahdat-e-āyāt nahīñ

mujh se kahte haiñ havā.ej se sarokār na rakh

merī tārīf ba-juz qissa-e-hājāt nahīñ

koī batlāo shab-o-roz pe kyā guzrī hai

raat ḳhāmosh nahīñ din meñ koī baat nahīñ

thī falātūñ kī jo jamhūr se rū-gardānī

ham samajhte the ḳhurāfāt ḳhurāfāt nahīñ

dil se guzre kabhī dushman ke liye fikr-e-zarar

vo vatīra nahīñ merā mire jazbāt nahīñ

ahd-e-be-mehr meñ ik chaal mohabbat bhī chale

shah meñ baazī hai mirī garche abhī maat nahīñ

sāhibā dekhnā had se na baḌhe yūrish-e-ġham

nā-tavāñ dil hai mirā ḳhema-e-sādāt nahīñ

dil ke rahne ke liye shahr-e-KHayalat nahin

sar-ba-sar hai nafi is mein kahin isbaat nahin

ranj gar wan se to rahat bhi wahin se aawe

kaun kahta hai yahan wahdat-e-ayat nahin

mujh se kahte hain hawaej se sarokar na rakh

meri tarif ba-juz qissa-e-hajat nahin

koi batlao shab-o-roz pe kya guzri hai

raat KHamosh nahin din mein koi baat nahin

thi falatun ki jo jamhur se ru-gardani

hum samajhte the KHurafat KHurafat nahin

dil se guzre kabhi dushman ke liye fikr-e-zarar

wo watira nahin mera mere jazbaat nahin

ahd-e-be-mehr mein ek chaal mohabbat bhi chale

shah mein bazi hai meri garche abhi mat nahin

sahiba dekhna had se na baDhe yurish-e-gham

na-tawan dil hai mera KHema-e-sadat nahin