دل کے صفحوں میں جال لفظوں کا
دل کے صفحوں میں جال لفظوں کا
جان پر ہے وبال لفظوں کا
کیسے محفوظ ہوں اصول حروف
بڑھ رہا ہے ضلال لفظوں کا
الجھے رہتے ہیں سب عبارت میں
ہے عجب یہ کمال لفظوں کا
حرف تو حرف کٹ گئے نقطے
اللہ اللہ جلال لفظوں کا
اب قیامت زباں پہ آئے گی
ہو رہا ہے قتال لفظوں کا
ہے کتابوں میں دیمکوں کا حصار
آ گیا اب زوال لفظوں کا
بیچ راہوں میں صوت کے ہم راہ
لٹ گیا سارا مال لفظوں کا
تم تو شعروں میں کھو گئے قدسیؔ
اور ہم کو ملال لفظوں کا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
