dil ke sahra mein baDe zor ka baadal barsa

dil ke sahrā meñ baḌe zor kā bādal barsā

itnī shiddat se koī raat mujhe yaad aayā

jis se ik umr rahā da.avā-e-qurbat mujh ko

haa.e us ne na kabhī aañkh uThā kar dekhā

to mirī manzil-e-maqsūd hai lekin nāpaid

maiñ tirī dhun meñ shab-o-roz bhaTakne vaalā

phail jaatā tire hoñToñ pe tabassum kī tarah

kaash hālāt kā pahlū kabhī ho aisā

kitnī shiddat se tire āriz-o-lab yaad aa.e

jab sar-e-shām ufuq par koī taara chamkā

ab ke is taur se aa.ī thī gulistāñ meñ bahār

dāman-e-shāḳh meñ sūkhā huā pattā bhī na thā

dāstāñ ġham kī use 'tāb' sunāte kyuuñ ho

kab rag-e-sañg se ḳhuuñ kā kabhī dhārā niklā

dil ke sahra mein baDe zor ka baadal barsa

itni shiddat se koi raat mujhe yaad aaya

jis se ek umr raha dawa-e-qurbat mujh ko

hae us ne na kabhi aankh uTha kar dekha

to meri manzil-e-maqsud hai lekin napaid

main teri dhun mein shab-o-roz bhaTakne wala

phail jata tere honTon pe tabassum ki tarah

kash haalat ka pahlu kabhi ho aisa

kitni shiddat se tere aariz-o-lab yaad aae

jab sar-e-sham ufuq par koi tara chamka

ab ke is taur se aai thi gulistan mein bahaar

daman-e-shaKH mein sukha hua patta bhi na tha

dastan gham ki use 'tab' sunate kyun ho

kab rag-e-sang se KHun ka kabhi dhaara nikla