dil khicha jata hai KHud hi ku-e-jaanan ki taraf

dil khichā jaatā hai ḳhud hī kū-e-jānāñ kī taraf

dekhiye dekhā bhī jaa.e rū-e-jānāñ kī taraf

āsmāñ par māh-e-nau kā'be meñ mehrāb-e-haram

ye ishāre haiñ ḳham-e-abru-e-jānāñ kī taraf

husn tak pahuñchā hai ġham kā silsila bhī 'ishq meñ

barhamī dil kī chalī gesū-e-jānāñ kī taraf

ek hī manzil pe jā kar mil ga.e donoñ 'zahīn'

vo chale sū-e-haram ham kū-e-jānāñ kī taraf

dil khicha jata hai KHud hi ku-e-jaanan ki taraf

dekhiye dekha bhi jae ru-e-jaanan ki taraf

aasman par mah-e-nau ka'be mein mehrab-e-haram

ye ishaare hain KHam-e-abru-e-jaanan ki taraf

husn tak pahuncha hai gham ka silsila bhi 'ishq mein

barhami dil ki chali gesu-e-jaanan ki taraf

ek hi manzil pe ja kar mil gae donon 'zahin'

wo chale su-e-haram hum ku-e-jaanan ki taraf