dil ki baat zaban par lao phir dekho

dil kī baat zabāñ par laao phir dekho

ham ko apnā haal sunāo phir dekho

ham terī bātoñ meñ bhī aa sakte haiñ

sach meñ thoḌā jhuuT milāo phir dekho

sūraj chāñd sitāre toḌ ke lā dūñgā

thoḌī sī ummīd dilāo phir dekho

vahshat hū kā aalam sannāTā aur ġham

tum apne atrāf sajāo phir dekho

tum ne us kā kahnā yūñhī maan liyā

kuchh apnā bhī zehn laḌāo phir dekho

is chehre ke pīchhe kitne chehre haiñ

ā.īne ke sāmne aao phir dekho

vaise aksar bante haiñ suqrāt yahāñ

tum logoñ ko zahr pilāo phir dekho

ujḌī bastī vaalo himmat nā haaro

koī zinda shahr basāo phir dekho

har ḳhvāhish puurī ho ye nā-mumkin hai

phir bhī tum kuchh ḳhvāb sajāo phir dekho

'sādī' vo TuuTe hue dil kī suntā hai

us ke dar se aas lagāo phir dekho

dil ki baat zaban par lao phir dekho

hum ko apna haal sunao phir dekho

hum teri baaton mein bhi aa sakte hain

sach mein thoDa jhuT milao phir dekho

suraj chand sitare toD ke la dunga

thoDi si ummid dilao phir dekho

wahshat hu ka aalam sannaTa aur gham

tum apne atraf sajao phir dekho

tum ne us ka kahna yunhi man liya

kuchh apna bhi zehn laDao phir dekho

is chehre ke pichhe kitne chehre hain

aaine ke samne aao phir dekho

waise aksar bante hain suqraat yahan

tum logon ko zahr pilao phir dekho

ujDi basti walo himmat na haaro

koi zinda shahr basao phir dekho

har KHwahish puri ho ye na-mumkin hai

phir bhi tum kuchh KHwab sajao phir dekho

'sadi' wo TuTe hue dil ki sunta hai

us ke dar se aas lagao phir dekho