dil ki barbaadi ka rona ai gham-e-nakaam kya

dil kī barbādī kā ronā ai ġham-e-nākām kyā

is tarah dard-e-mohabbat ko kareñ badnām kyā

dushman-e-jāñ ban ga.ī ḳhud-āgahī varna bhalā

merā rishta rok saktī shorish-e-ayyām kyā

lazzat-e-mizhgāñ shu.ūr-e-ġham kā darmāñ ban ga.ī

varna apnā hausla kyā mai-kashī kyā jaam kyā

ḳhud to rangā-rang tasvīreñ banā.īñ aap ne

mere sar dharte haiñ phir ye aap hī ilzām kyā

kārvān-e-dahr ko manzil-ba-manzil dekh aa.e

'nāzish'-e-badnām apnī sub.h kyā aur shaam kyā

dil ki barbaadi ka rona ai gham-e-nakaam kya

is tarah dard-e-mohabbat ko karen badnam kya

dushman-e-jaan ban gai KHud-agahi warna bhala

mera rishta rok sakti shorish-e-ayyam kya

lazzat-e-mizhgan shuur-e-gham ka darman ban gai

warna apna hausla kya mai-kashi kya jam kya

KHud to ranga-rang taswiren banain aap ne

mere sar dharte hain phir ye aap hi ilzam kya

karwan-e-dahr ko manzil-ba-manzil dekh aae

'nazish'-e-badnam apni subh kya aur sham kya