dil ki duniya dekh kar kyun rang-e-duniya dekhte

dil kī duniyā dekh kar kyuuñ rañg-e-duniyā dekhte

dekhne vaalo nahīñ ham dekh kar kyā dekhte

jalva-gāh-e-dil meñ aa jaate vo be-parda agar

ham bhī rañg-e-be-ḳhudī ham rañg-e-mūsā dekhte

chaudhvīñ kā chāñd hotā hai daraḳhshāñ jis tarah

yuuñ tasavvur meñ kisī ko jagmagātā dekhte

ġharq ho jaate mohabbat meñ mohabbat-āshnā

sāhil-o-dariyā se bhī kar ke kinārā dekhte

jazb ho kar rah ga.e ḳhud hī nigāh-e-barq meñ

kyūñkar āñkhoñ se nasheman apnā jaltā dekhte

maiñ kabhī jalva huuñ terā tū kabhī partav mirā

umr guzrī jā rahī hai ye tamāshā dekhte

hote vo jalva-numā gul-paikar-o-gul-pairahan

ham unheñ 'maḳhmūr' firdaus-e-tamāshā dekhte

dil ki duniya dekh kar kyun rang-e-duniya dekhte

dekhne walo nahin hum dekh kar kya dekhte

jalwa-gah-e-dil mein aa jate wo be-parda agar

hum bhi rang-e-be-KHudi hum rang-e-musa dekhte

chaudhwin ka chand hota hai daraKHshan jis tarah

yun tasawwur mein kisi ko jagmagata dekhte

gharq ho jate mohabbat mein mohabbat-ashna

sahil-o-dariya se bhi kar ke kinara dekhte

jazb ho kar rah gae KHud hi nigah-e-barq mein

kyunkar aankhon se nasheman apna jalta dekhte

main kabhi jalwa hun tera tu kabhi partaw mera

umr guzri ja rahi hai ye tamasha dekhte

hote wo jalwa-numa gul-paikar-o-gul-pairahan

hum unhen 'maKHmur' firdaus-e-tamasha dekhte