دل کی ہر دھڑکن پیام دوست ہو جاتی ہے کیا
دل کی ہر دھڑکن پیام دوست ہو جاتی ہے کیا
گفتگو اپنی کلام دوست ہو جاتی ہے کیا
پوچھتا ہوں لغزش مستانۂ ارباب عشق
آئنہ دار خرام دوست ہو جاتی ہے کیا
مٹ گئی ہستی اگر نام و نشان دوست پر
خود نشان دوست نام دوست ہو جاتی ہے کیا
صورت ہستی فنا ہو کر بقائے دوست میں
معنی نقش دوام دوست ہو جاتی ہے کیا
افضل المخلوق مسجود ملائک کے لئے
آدمیت احترام دوست ہو جاتی ہے کیا
ہر نفس راہ رضائے دوست میں ہو کر فنا
زندگی قائم مقام دوست ہو جاتی ہے کیا
عشق میں تن اور من سب ایک آتے ہیں نظر
دل کی دنیا سقف و بام دوست ہو جاتی ہے کیا
روح امر رب ہے امر رب ہے کن کن ہے کلام
روح انسانی کلام دوست ہو جاتی ہے کیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.