dil ki kahun ya kahun jigar ki

dil kī kahūñ yā kahūñ jigar kī

kuchh baat karūñ idhar-udhar kī

lau dil kī bujhā.eñ yā jigar kī

leñ ashk ḳhabar kidhar kidhar kī

uThne na diyā hameñ mare par

lī zo.af ne āqibat pisar kī

ghaḌiyāl nasīb huuñ shab-e-vasl

sar choT hai har ghaḌī gajar kī

Dhalne ko hai mehr-e-naujavānī

chhuTne pe hai top dopahar kī

kyā kam-suḳhanoñ ko sham.a kahiye

sham.oñ kī zabāñ hai haath bhar kī

marqad meñ chale rah-e-adam lī

sūjhī jo musāfirat meñ ghar kī

kākul huī tar araq se ruḳh ke

pī saañp ne us phuul par kī

jī qabr meñ ḳhaak bhale ai 'shād'

bastī hai ujaaḌ is nagar kī

dil ki kahun ya kahun jigar ki

kuchh baat karun idhar-udhar ki

lau dil ki bujhaen ya jigar ki

len ashk KHabar kidhar kidhar ki

uThne na diya hamein mare par

li zoaf ne aaqibat pisar ki

ghaDiyal nasib hun shab-e-wasl

sar choT hai har ghaDi gajar ki

Dhalne ko hai mehr-e-naujawani

chhuTne pe hai top dopahar ki

kya kam-suKHanon ko shama kahiye

shamon ki zaban hai hath bhar ki

marqad mein chale rah-e-adam li

sujhi jo musafirat mein ghar ki

kakul hui tar araq se ruKH ke

pi sanp ne us phul par ki

ji qabr mein KHak bhale ai 'shad'

basti hai ujaD is nagar ki