دل کی کشتی ڈبو دی گئی ہے یہاں

دل کی کشتی ڈبو دی گئی ہے یہاں

دھڑکن اب شور کرتی اٹھی ہے یہاں

دل کی بستی میں ویرانیاں چھا گئیں

دھند یادوں کی برسوں بسی ہے یہاں

دھوپ اس سمت کیوں تیز ٹھہری رہی

شام کے سائے میں تو نمی ہے یہاں

خشک آنکھوں سے سپنے چرائے گئے

اور ہتھیلی حنا سے رچی ہے یہاں

دور سے اڑ کے آئے پرندے نئے

شور میں چہچہاہٹ نئی ہے یہاں

شام کے بعد گھر یہ نیا ہو گیا

وصل کی شب مکمل ہوئی ہے یہاں

لو چراغوں کی نکہتؔ ذرا کم کرو

اک نئی روشنی آ رہی ہے یہاں