dil ki kashti Dubo di gai hai yahan

dil kī kashtī Dubo dī ga.ī hai yahāñ

dhaḌkan ab shor kartī uThī hai yahāñ

dil kī bastī meñ vīrāniyāñ chhā ga.iiñ

dhund yādoñ kī barsoñ basī hai yahāñ

dhuup us samt kyoñ tez Thahrī rahī

shaam ke saa.e meñ to namī hai yahāñ

ḳhushk āñkhoñ se sapne churā.e ga.e

aur hathelī hinā se rachī hai yahāñ

duur se uḌ ke aa.e parinde na.e

shor meñ chahchahāhaT na.ī hai yahāñ

shaam ke baa'd ghar ye nayā ho gayā

vasl kī shab mukammal huī hai yahāñ

lau charāġhoñ kī 'nik.hat' zarā kam karo

ik na.ī raushnī aa rahī hai yahāñ

dil ki kashti Dubo di gai hai yahan

dhaDkan ab shor karti uThi hai yahan

dil ki basti mein viraniyan chha gain

dhund yaadon ki barson basi hai yahan

dhup us samt kyon tez Thahri rahi

sham ke sae mein to nami hai yahan

KHushk aankhon se sapne churae gae

aur hatheli hina se rachi hai yahan

dur se uD ke aae parinde nae

shor mein chahchahahaT nai hai yahan

sham ke ba'd ghar ye naya ho gaya

wasl ki shab mukammal hui hai yahan

lau charaghon ki 'nikhat' zara kam karo

ek nai raushni aa rahi hai yahan