dil ki lagi agar hai to sud-o-ziyan mein kya

dil kī lagī agar hai to sūd-o-ziyāñ meñ kyā

rahnā junūñ ke saath Thaharnā makāñ meñ kyā

manzar koī nahīñ hai to dekhe kahāñ koī

phir ḳhauf kyoñ diloñ meñ hai pinhāñ dhuāñ meñ kyā

rakh aa.e ham haiñ pesh-e-nazar us ke mudda.ā

ab dekhnā ki baat hai shīrīñ zabāñ meñ kyā

chehra hī bas kamāl kā varna maiñ kyā kahūñ

pakvān rūkhe-phīke haiñ ūñchī dukāñ meñ kyā

mahkā tire nafas se hai har gul kā pairahan

rakkhā hai kyā bahār meñ pinhāñ ḳhizāñ meñ kyā

kahne ko shahr-e-jāñ meñ raqīboñ kā hai hujūm

jab tum nahīñ vahāñ ho to shahr-e-butāñ meñ kyā

partav tumhāre husn kā manzar meñ zau-fagan

varna ye mehr-o-māh chhupā kahkashāñ meñ kyā

jiinā hameñ agar hai muqaddar ke bas tufail

phir kyā kareñ zamīñ pe raheñ āsmāñ meñ kyā

dil ki lagi agar hai to sud-o-ziyan mein kya

rahna junun ke sath Thaharna makan mein kya

manzar koi nahin hai to dekhe kahan koi

phir KHauf kyon dilon mein hai pinhan dhuan mein kya

rakh aae hum hain pesh-e-nazar us ke muddaa

ab dekhna ki baat hai shirin zaban mein kya

chehra hi bas kamal ka warna main kya kahun

pakwan rukhe-phike hain unchi dukan mein kya

mahka tere nafas se hai har gul ka pairahan

rakkha hai kya bahaar mein pinhan KHizan mein kya

kahne ko shahr-e-jaan mein raqibon ka hai hujum

jab tum nahin wahan ho to shahr-e-butan mein kya

partaw tumhaare husn ka manzar mein zau-fagan

warna ye mehr-o-mah chhupa kahkashan mein kya

jina hamein agar hai muqaddar ke bas tufail

phir kya karen zamin pe rahen aasman mein kya