dil ki lagi mein ab jo sirhane laga hun main

dil kī lagī meñ ab jo sirhāne lagā huuñ maiñ

muddat ke baa'd apne Thikāne lagā huuñ maiñ

dīvāngī ko dekh to kis intihā kī hai

tujh se nikal ke ḳhud meñ samāne lagā huuñ maiñ

patthar kā but banā rahā ik umr jaane kyoñ

tujh se milā to ashk bahāne lagā huuñ maiñ

maḳhlūq kā hai kaam hī jaltī pe tel kā

apnī lagī ko aap bujhāne lagā huuñ maiñ

kuchh naqsh ban ga.e haiñ tire lafz joḌ kar

tujh ko tirā ḳhayāl sunāne lagā huuñ maiñ

ye sochnā bhī kufr ki ilzām duuñ tujhe

apnī jabīñ kā daaġh miTāne lagā huuñ maiñ

vo bā-kamāl itnā kahāñ tīr-bāz thā

ik hādisa thā us ke nishāne lagā huuñ maiñ

karne lagā huuñ ḳhatm sabhī silsile 'niyāz'

bhaTkā huā thā lauT kar aane lagā huuñ maiñ

dil ki lagi mein ab jo sirhane laga hun main

muddat ke ba'd apne Thikane laga hun main

diwangi ko dekh to kis intiha ki hai

tujh se nikal ke KHud mein samane laga hun main

patthar ka but bana raha ek umr jaane kyon

tujh se mila to ashk bahane laga hun main

maKHluq ka hai kaam hi jalti pe tel ka

apni lagi ko aap bujhane laga hun main

kuchh naqsh ban gae hain tere lafz joD kar

tujh ko tera KHayal sunane laga hun main

ye sochna bhi kufr ki ilzam dun tujhe

apni jabin ka dagh miTane laga hun main

wo ba-kamal itna kahan tir-baz tha

ek hadisa tha us ke nishane laga hun main

karne laga hun KHatm sabhi silsile 'niyaz'

bhaTka hua tha lauT kar aane laga hun main