dil ki rahen DhunDne jab hum chale

Akhtar Saeed Khan

dil ki rahen DhunDne jab hum chale

Akhtar Saeed Khan

MORE BYAkhtar Saeed Khan

    dil rāheñ DhūñDne jab ham chale

    ham se aage dīda-e-pur-nam chale

    tez jhoñkā bhī hai dil ko nāgavār

    tum se mas ho kar havā kam kam chale

    thī kabhī yuuñ qadr-e-dil is bazm meñ

    jaise hāthoñ-hāth jām-e-jam chale

    haa.e vo aariz aur us par chashm-e-nam

    gul pe jaise qatra-e-shabnam chale

    āmad-e-sailāb vaqfa thā vo

    jis ko ye jaanā ki aañsū tham chale

    kahte haiñ gardish meñ haiñ saat āsmāñ

    az-sar-e-nau qissa-e-ādam chale

    khil jā.egī kabhī dil kalī

    phuul barsātā huā mausam chale

    be-sutūñ chhat ke tale is dhuup meñ

    DhūñDne kis ko ye mere ġham chale

    kaun jiine ke liye martā rahe

    lo sambhālo apnī duniyā ham chale

    kuchh to ho ahl-e-nazar ko pās-e-dard

    kuchh to zikr-e-ābrū-e-ġham chale

    kuchh adhūre ḳhvāb āñkhoñ meñ liye

    ham bhī 'aḳhtar' darham o barham chale

    dil ki rahen DhunDne jab hum chale

    hum se aage dida-e-pur-nam chale

    tez jhonka bhi hai dil ko nagawar

    tum se mas ho kar hawa kam kam chale

    thi kabhi yun qadr-e-dil is bazm mein

    jaise hathon-hath jam-e-jam chale

    hae wo aariz aur us par chashm-e-nam

    gul pe jaise qatra-e-shabnam chale

    aamad-e-sailab ka waqfa tha wo

    jis ko ye jaana ki aansu tham chale

    kahte hain gardish mein hain sat aasman

    az-sar-e-nau qissa-e-adam chale

    khil hi jaegi kabhi dil ki kali

    phul barsata hua mausam chale

    be-sutun chhat ke tale is dhup mein

    DhunDne kis ko ye mere gham chale

    kaun jine ke liye marta rahe

    lo sambhaalo apni duniya hum chale

    kuchh to ho ahl-e-nazar ko pas-e-dard

    kuchh to zikr-e-abru-e-gham chale

    kuchh adhure KHwab aankhon mein liye

    hum bhi 'aKHtar' darham o barham chale

    RECITATIONS

    Nomaan Shauque

    Nomaan Shauque

    Nomaan Shauque

    dil ki rahen DhunDne jab hum chale Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY