dil ki taKHti se meri yaad khurachne wale

dil kī taḳhtī se mirī yaad khurachne vaale

is qadar jald nahīñ naqsh ye miTne vaale

phir kisī yaad kā paudā na lagānā dil meñ

jān-levā haiñ shagūfe bhī ye khilne vaale

ghup añdheroñ kā tadāruk bhī zarūrī Thahrā

shab ke pahlū se haiñ taare bhī nikalne vaale

baur chāhat kā daraḳhtoñ pe lagā dekhā hai

shāḳh-e-ummīd pe haiñ phuul bhī khilne vaale

jab pukārā hai tire naam ko ai rabb-e-karīm

kaam bante hī chale jaa.eñ bigaḌne vaale

ab to tadbīr na.ī DhūñDnī hogī 'ahsan'

sirf bātoñ se nahīñ haiñ vo bahalne vaale

dil ki taKHti se meri yaad khurachne wale

is qadar jald nahin naqsh ye miTne wale

phir kisi yaad ka pauda na lagana dil mein

jaan-lewa hain shagufe bhi ye khilne wale

ghup andheron ka tadaruk bhi zaruri Thahra

shab ke pahlu se hain tare bhi nikalne wale

baur chahat ka daraKHton pe laga dekha hai

shaKH-e-ummid pe hain phul bhi khilne wale

jab pukara hai tere nam ko ai rabb-e-karim

kaam bante hi chale jaen bigaDne wale

ab to tadbir nai DhunDni hogi 'ahsan'

sirf baaton se nahin hain wo bahalne wale