dil ki wahshat ne wo diwana banaya mujhko
![Hakeem Aagha Jan Aish Hakeem Aagha Jan Aish](https://www.rekhta.org/Content/Images/quillm.png)
dil ki wahshat ne wo diwana banaya mujhko
Hakeem Aagha Jan Aish
MORE BYHakeem Aagha Jan Aish
dil kī vahshat ne vo dīvāna banāyā mujh ko
duur bhāge hai mirā chhoḌ ke saayā mujh ko
haath uThāne ke nahīñ ishq-e-butāñ se nāseh
laakh kī ek kahī aur na bakvā mujh ko
ek to jaur-e-butāñ dūsrī ye aur suno
chain detā nahīñ ik dam dil-e-shaidā mujh ko
tark-e-ādāb na ho ḳhanjar-e-qātil ke tale
jaan de o dil-e-betāb na taḌpā mujh ko
ġhuncha-e-gul na samajhnā dil-e-āshiq huuñ maiñ
tū hī jānegī sabā dekh jo chheḌā mujh ko
kuchh bhī ġhairat hai tujhe dekh tū ai ḳhāna-ḳharāb
log kahte haiñ tire ishq meñ kyā kyā mujh ko
sho.ala-e-ishq kī garmī ne shab-e-furqat meñ
sham.a saañ sub.h se pahle hī nabeḌā mujh ko
dil ko le bhāge haiñ jab māñgūñ huuñ dikhlā ruḳh-o-zulf
bas batāte haiñ yuuñ hī shām-o-saverā mujh ko
'aish' ise ḳhūbī-e-qismat ke sivā kyā kahiye
dil milā hai so vo labrez-e-tamannā mujh ko
dil ki wahshat ne wo diwana banaya mujh ko
dur bhage hai mera chhoD ke saya mujh ko
hath uThane ke nahin ishq-e-butan se naseh
lakh ki ek kahi aur na bakwa mujh ko
ek to jaur-e-butan dusri ye aur suno
chain deta nahin ek dam dil-e-shaida mujh ko
tark-e-adab na ho KHanjar-e-qatil ke tale
jaan de o dil-e-betab na taDpa mujh ko
ghuncha-e-gul na samajhna dil-e-ashiq hun main
tu hi jaanegi saba dekh jo chheDa mujh ko
kuchh bhi ghairat hai tujhe dekh tu ai KHana-KHarab
log kahte hain tere ishq mein kya kya mujh ko
shoala-e-ishq ki garmi ne shab-e-furqat mein
shama san subh se pahle hi nabeDa mujh ko
dil ko le bhage hain jab mangun hun dikhla ruKH-o-zulf
bas batate hain yun hi sham-o-sawera mujh ko
'aish' ise KHubi-e-qismat ke siwa kya kahiye
dil mila hai so wo labrez-e-tamanna mujh ko
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.