دل کی یہ آرزو ہے صنم بولتے رہو

دل کی یہ آرزو ہے صنم بولتے رہو

تم کو ہمارے سر کی قسم بولتے رہو

سنتے رہیں گے دوستو ہم بولتے رہو

آنکھیں کبھی نہ ہوں گی یہ نم بولتے رہو

خاموشیوں نے جنم دئے ہیں نئے ستم

کب تک یہ ظلم اور ستم بولتے رہو

دل زندہ ہے تو دو کوئی اس کا ثبوت بھی

خاموش کیوں ہو اہل قلم بولتے رہو

حق گوئی کی مثال ہے منصور انا الحق

پرواہ نہیں سر ہو قلم بولتے رہو

سیفیؔ ترے اشعار پہ تنقید ہے لازم

تاکہ ہو ترا تیز قلم بولتے رہو