dil kasu se to kya lagana tha

dil kasū se to kyā lagānā thā

ham ko manzūr jī se jaanā thā

āstāñ thā vo āstāna-e-ishq

kaaT kar sar jahāñ chaḌhānā thā

diid ko tere aa.e the ham yaañ

zindagī kā faqat bahāna thā

nikle vo aah apne dushman-e-jāñ

ham ne jin jin ko dost jaanā thā

jis zamāne meñ ham hue the ḳhalq

haa.e vo kyā burā zamāna thā

kyuuñ diyā us parī ko dil tū ne

kyā tū ai 'muntazir' divāna thā

dil kasu se to kya lagana tha

hum ko manzur ji se jaana tha

aastan tha wo aastana-e-ishq

kaT kar sar jahan chaDhana tha

did ko tere aae the hum yan

zindagi ka faqat bahana tha

nikle wo aah apne dushman-e-jaan

hum ne jin jin ko dost jaana tha

jis zamane mein hum hue the KHalq

hae wo kya bura zamana tha

kyun diya us pari ko dil tu ne

kya tu ai 'muntazir' diwana tha