dil ko aae ki nigahon ko yaqin aa jae

dil ko aa.e ki nigāhoñ ko yaqīñ aa jaa.e

kisī unvāñ to koī mere qarīñ aa jaa.e

bikhre rahne do sar-e-rāh nishān-e-kaf-e-pā

jaane kis dam koī āvāra-jabīñ aa jaa.e

sunte jaao mirā be-rabt fasāna shāyad

inhī bātoñ meñ koī baat hasīñ aa jaa.e

aur phir is ke sivā sehr-e-mohabbat kyā hai?

yak-ba-yak jaise koī dil ke qarīñ aa jaa.e

jaam kyā chiiz hai mai-ḳhāna uḌaao yāro!

jaane kis dam lab-e-sāqī pe ''nahīñ'' aa jaa.e

vo tirī yaad kā partav ho ki ho sāya-e-zulf

chain aa jaa.e tabī.at ko kahīñ aa jaa.e

dil ko aae ki nigahon ko yaqin aa jae

kisi unwan to koi mere qarin aa jae

bikhre rahne do sar-e-rah nishan-e-kaf-e-pa

jaane kis dam koi aawara-jabin aa jae

sunte jao mera be-rabt fasana shayad

inhi baaton mein koi baat hasin aa jae

aur phir is ke siwa sehr-e-mohabbat kya hai?

yak-ba-yak jaise koi dil ke qarin aa jae

jam kya chiz hai mai-KHana uDao yaro!

jaane kis dam lab-e-saqi pe nahin aa jae

wo teri yaad ka partaw ho ki ho saya-e-zulf

chain aa jae tabiat ko kahin aa jae